ఇందులో కథలు

సహరి సమగ్ర వారపత్రిక లో ప్రతి వారం ప్రచురింపబడే కథల వివరాలు ఇక్కడ ఉంటాయి. కథలతో పాటు రచయితల పరిచయం కథ గురించి మరిన్ని వివరాలు ఇక్కడ పొందు పరుస్తాము.

                                                ఈ వారం కథా కమామీషు (20-11-2020)

20-11-2020 వారం కథా కమామీషు :

1. ఋషిగాడి ప్రేమ కథ : ఇద్దరూ సాఫ్ట్ వేర్ ఉద్యోగులే. ఆమె మీద అతని ప్రేమ కలిగింది. తనకు ఆమె సరి అయిన జోడీగా అతడు తీర్మానించేసుకున్నాడు. ఎలాగైతేనేమ్ ధైర్యం చేసి ఆమెకు తన ప్రేమని ప్రపోజ్ చేశాడు. ఆమె పనిలో మునిగిపోయి ఉండి కూడా అతని ప్రేమను ఏక్సెప్ట్ చేసింది. ఆమె పరాకు చేసిందో ఏమో తెలీదు గానీ అతడు చాలా సంతోషపడిపోయి తన తల్లికి తన ప్రేమ గురించి చెప్పి, ఆమెను పెళ్ళి చేసుకుంటానని చెప్పాడు. ఆవిడ ఆశ్చర్యపోయి “అదేంట్రా! నీకు ఆల్రెడీ పెళ్ళైందిగా?” అంది. పెళ్ళైన అతడు మళ్ళీ ఆ అమ్మాయికెందుకు ప్రపోజ్ చేశాడు? అంతా తెలిసీ ఆ అమ్మాయి ఎలా అతని ప్రేమని ఏక్సెప్ట్ చేసింది?  మరి అతని మొదటి భార్య ఊరుకుందా?

2. మిత్ర ద్రోహం : స్నేహితుడిని నమ్మి తన సంపాదననంతా అతనికి పంపి, చదువురాని తన తండ్రికి ఇమ్మని చెప్పాడు. ఆ స్నేహితుడు మూడొంతులు ఇవ్వకుండా ఒక వంతే ఇచ్చి “మీ వాడిదే పంపాడు” అన్నాడు. ఆ తండ్రి ఆ మాటలు నమ్మాడు. అతడు తన ఊరికి తిరిగొచ్చి, తన స్నేహితుడు చేసిన ద్రోహాన్ని తెలుసుకుని, అతన్ని నిలదీయటానికి వెళ్ళాడు. అక్కడేం జరిగింది?అసలు ఆ స్నేహితుడు డబ్బు ఎందుకు మొత్తం అతని తండ్రికి ఇవ్వకుండా అబద్ధమాడాడు? తన స్నేహితుడికి ఏం సంజాయిషీ చెప్పాడు?

3. ఋణం తీరింది : ముగ్గురు అన్నదమ్ములలో ఇద్దరు కరోనా రాకుండా వాక్సిన్ తీసుకున్నారు. కానీ తన తమ్ముళ్ళిద్దరికీ కరోనా వచ్చేసరికి అన్నగారికి భయం పట్టుకుంది. టెస్ట్ చేయించుకుంటే నెగెటివ్ వచ్చింది. వాక్సిన్ తీసుకున్నవాళ్ళకు పాజిటివ్, తీసుకోని వాడికి నెగెటివ్ రావటమేంటి? ఆ వాక్సిన్ పని చెయ్యలేదా? మరి వాళ్ళని కలిసిన అన్నగారికి ఎందుకు నెగెటివ్ వచ్చింది...? ఎక్కడుంది మిస్టరీ? దీనికి విరుగుడు ఎక్కడ? మనుషులకొచ్చే రోగాలన్నీ ఋణాలేనా? ఎవరికి ఎవరు ఋణపడ్డారు?

4. ఏంజెల్ ఆత్మహత్య : స్పోర్ట్స్ మీట్ కోసం తమ కోచ్, మరో లెక్చరర్‌తో ఢిల్లీ వెళ్ళిన అమ్మాయి, తిరిగి రాగానే ఆత్మహత్య చేసుకుంది. ఆ తర్వాత ఆ లెక్చరర్ ఆత్మహత్య, ఆపైన ఆ కోచ్ భార్య ఆత్మహత్య చేసుకున్నారు.ఇలా వరుసగా ముగ్గురు ఆత్మహత్య చేసుకోవటానికి ముందు చర్చిలో ఫాదర్‌కి కన్ఫెషన్ చెప్పుకున్నారని తెలుస్తుంది. వాళ్ళు ఆ ఫాదర్‌కి ఏమని కన్ఫెషన్ చెప్పారు? ఆ తర్వాత ఎందుకు ఆత్మహత్య చేసుకున్నారు? వాళ్ళ అకౌంట్లలోంచి పెద్దమొత్తంలో డబ్బులెందుకు డ్రా చేశారు? ఈ కుంభకోణం వెనుక ఉన్న అసలు కారకులెవరు?

5. జీవన విలువలు : బావమరిది కూతురికోసం చూసిన సంబంధాన్ని అతడు స్వార్ధంతో తన స్వంత మేనకోడలికి చేసుకోవటంతో, వారితో సంబంధం తెగిపోయింది. ఎన్నో ఏళ్ళ తర్వాత ఆ బావమరిది కూతుళ్ళు ఆప్యాయంగా మాట్లాడారు. వారిలో ఒకరు ఆతిథ్యమే ఇచ్చారు. తను ఆ కుటుంబానికి చేసిన ద్రోహం ఫలితమే తన కొచ్చిన కష్టం అనుకోవటానికి కారణమేంటి? అతనికొచ్చిన కష్టం ఏమిటి? అది తీరిందా?

6. నిలువ : ఆక్సిడెంట్‌లో గాయపడ్డ పదహారేళ్ళ కుర్రాడిని ఆస్పత్రిలో అడ్మిట్ చేశాడా కానిస్టేబుల్. కానీ సరైన సమయానికి వైద్యం అందక ఆ కుర్రాడు చనిపోవటంతో