నమస్తే!

భాష పదికాలాల పాటు నిలవాలి అంటే ఆ భాషలో సాహిత్యం వెలువడుతూనే ఉండాలి. రాసే  వాళ్ళే కాదు చదివే వాళ్ళు కూడా కావాలి.  ఇప్పటి వరకు తెలుగులో ఎన్నో పత్రికలు వెలువడ్డాయి. కొన్ని నిలిచాయి, కొన్ని తెరమరుగయ్యాయి. కానీ ఇప్పుడు కోవిడ్ 19 మహమ్మారి దెబ్బకు ప్రింటులో వస్తున్న చాలా పత్రికలు కనుమరుగయ్యాయి.

నేటి కాలానుగుణంగా పాఠకులు అంతర్జాలంలో కథలు చదవడానికి సుముఖంగా వున్నారు. కానీ కథలు, సీరియళ్లు, విద్య, వైద్య వంటి అనేక రంగాల గురించి, మహిళలకు, పిల్లలకు, పెద్దలకు చదువుకోవడానికి కావలసిన నాణ్యమైన రచనలు ఒకే చోట దొరికే సావకాశం ఇంతవరకూ లేదు. ఆ లోటుని భర్తీ చేస్తూ మీ ముందుకి వచ్చింది సహరి ఆన్ లైన్ వీక్లీ.
ఇది అంతర్జాలంలో తొలి తెలుగు వీక్లీ. మీ అందరి మీ ఆదరాభిమానాలకు ధన్యవాదాలు తెలియచేసుకుంటున్నాము.

మొదటి వార్షికోత్సవం వైపుకి ఉరుకులు పరుగులతో వెళ్తోంది సహరి.

త్వరలో మాస పత్రికను కూడా మీ ముందుకి తెస్తున్నాము. నెల నెలా ఒక పూర్తి నవల మా పాఠక మహాశయులకు అందిస్తాము. మీ ఉత్తమాభిరుచికి సహరి గీటురాయి. 

 మీరు ఇచ్చే ప్రోత్సాహంతో తెలుగు పాఠకులకు, రచయితలకు కూడా అందుబాటులో ఉండే చక్కటి సమగ్ర వార పత్రిక గా నిలిచి సదా ప్రకాశించాలని కోరుతూ వుంది మీ సహరి. మీ ఆశీస్సులు ఆకాంక్షిస్తుంది మీ సహరి. ఆదరిస్తారు కదూ!

మీ
సహరి 
అంతర్జాలంలో తొలి సమగ్ర తెలుగు వీక్లీ